മാവൂര്‍: ഗ്രാമപഞ്ചായത്ത് അഞ്ചാം വാര്‍ഡ് (തെങ്ങിലക്കടവ്) കുംടുംബശ്രീ- അയല്‍ക്കൂട്ടങ്ങളുടെ നേതൃത്വത്തില്‍ മാവൂര്‍ ഗ്രാമപഞ്ചായത്തില്‍ ആദ്യമായി രൂപീകരിച്ച വയോജന അയല്‍ക്കൂട്ടത്തിന്റെ പ്രഖ്യാപനവും പൊലിവ് പദ്ധതിയുടെ വാര്‍ഡുതല ഉദ്ഘാടനവും നടത്തി. തെങ്ങിലക്കടവ് ആമ്പിലേരി എരഞ്ഞിക്കലില്‍ നടന്ന ചടങ്ങ് ഗ്രാമപഞ്ചായത്ത് പ്രസിഡന്‍് സി. മുനീറത്ത് ടീച്ചര്‍ നിര്‍വഹിച്ചു. ക്ഷേമകാര്യ സ്റ്റാന്‍ഡിങ് കമ്മിറ്റി ചെയര്‍മാന്‍ കെ. ഉസ്മാന്‍ അധ്യക്ഷനായി.
വനം വകുപ്പിന്റെ പ്രകൃതിമിത്ര അവാര്‍ഡ് ജേതാവ് ആയിശ തെങ്ങിലക്കടവിനെ ചടങ്ങില്‍ ആദരിച്ചു. വയോജന അയല്‍ക്കൂട്ടത്തിന്റെ പ്രഖ്യാപനവും പൊലിവ് പദ്ധതിയുടെ വിശദീകരണവും ജില്ലാ മിഷന്‍ കോഡിനേറ്റര്‍ സയ്യിദ് ബാദ്ഷാ ഖാന്‍ നിര്‍വഹിച്ചു. എസ്.എസ്.എല്‍.സി-പ്ലസ്ടു ഉന്നത വിജയികള്‍ക്കും മികച്ച കര്‍ഷകര്‍ക്കും ബ്ലോക്ക് പഞ്ചായത്ത് മെമ്പര്‍ രവികുമാര്‍ പനോളി ഉപഹാരങ്ങള്‍ സമര്‍പ്പിച്ചു. കുടുംബശ്രീ സി.ഡി.എസ് ചെയര്‍പേഴ്‌സന്‍ ബവിത, കൃഷി അസിസ്റ്റന്റ് അനില്‍കുമാര്‍, സി.ഡി.എസ് വൈസ് ചെയര്‍പേഴ്‌സന്‍ വിശാഖിനി, എം.കെ.എസ്.പി സുഹൈല്‍, റജീന, ജംഷീറ, സുഹറ പി.പി, ബിന്ദു, ശ്രീജ, അജിത, സൗദ, സത്യ ടി.പി, ആയിശ, ജംഷീറ സംസാരിച്ചു