റിയാദ്: സഊദിയിൽ വിദേശ സ്‌കൂളിൽ അധ്യാപികയായി ജോലി ചെയ്യുന്ന കണ്ണൂർ സ്വദേശിനി മരിച്ചു. എരിത്രീയൻ സ്‌കൂളിൽ ടീച്ചറായി ജോലി ചെയ്യുന്ന കണ്ണൂർ മാഹി സ്വദേശിനി സഫരിയ (40) ആണ് ശ്വാസകോശ സംബന്ധമായ രോഗത്താൽ റിയാദിൽ മരണപ്പെട്ടത്.

റിയാദ് അറബ് നാഷനൽ ബാങ്കിൽ ഉദ്യോഗസ്ഥനായ മാഹി സ്വദേശി ജമാൽ കേച്ചേരിയാണ് ഭർത്താവ്.മൂന്ന് മക്കളാണ് ഇവര്‍ക്ക്. മൂത്ത മകൾ ഈ വർഷം റിയാദിൽനിന്നും പ്ലസ് ടു പഠനം പൂർത്തിയാക്കി നാട്ടിലേക്ക് മടങ്ങിയിരുന്നു. രണ്ടാമത്തെ മകൻ എംബസ്സി സ്‌കൂൾ ആറാം ക്‌ളാസ് വിദ്യാർഥിയും ചെറിയ മകൾക്ക് മൂന്നു വയസ്സുമാണ്. മയ്യത്ത് നാട്ടിലേക്ക് കൊണ്ട് പോകുന്നതിനുള്ള നടപടിക്രമങ്ങൾ നടന്നു വരികയാണ്.