ന്യൂഡല്‍ഹി: രാമക്ഷേത്ര നിര്‍മാണത്തിനു സമ്മര്‍ദം ചെലുത്തുകയെന്ന ലക്ഷ്യംവച്ചു ഡല്‍ഹിയില്‍ ആര്‍.എസ്.എസിന്റെ പോഷകസംഘടനയായ സ്വദേശി ജാഗരണ്‍ മഞ്ച് സംഘടിപ്പിച്ച റാലിയില്‍ പങ്കെടുത്തതു നൂറോളം പേര്‍ മാത്രം. ലക്ഷങ്ങള്‍ അണിനിരക്കുമെന്നായിരുന്നു സംഘടന അവകാശപ്പെട്ടിരുന്നതെങ്കിലും റാലിയില്‍ ജനപങ്കാളിത്തം കുറഞ്ഞതു നേതൃത്വത്തെ ഞെട്ടിച്ചിരിക്കുകയാണ്.
ഡല്‍ഹിയിലെ ജന്തേവാല ക്ഷേത്രത്തില്‍നിന്നു ഫഌഗ് ഓഫ് ചെയ്ത റാലി ഒന്‍പതു ദിവസം വിവിധ സ്ഥലങ്ങളില്‍ സന്ദര്‍ശനം നടത്തി ഈ മാസം ഒന്‍പതിനു രാംലീല മൈതാനിയില്‍ സമാപിക്കും.
എന്നാല്‍, വിവിധ സ്ഥലങ്ങളിലെ പര്യടനത്തിനുശേഷം രാംലീല മൈതാനിയില്‍ റാലി എത്തുമ്പോള്‍ ആറു മുതല്‍ എട്ടുലക്ഷം പേര്‍വരെ പങ്കാളികളാകുമെന്നു സ്വദേശി ജാഗരണ്‍ മഞ്ച് സഹ കണ്‍വീനര്‍ കമല്‍ തിവാരി അവകാശപ്പെട്ടു.