പുത്തനത്താണി : ആള്‍താമസമില്ലാത്ത വീട്ടുവളപ്പില്‍ കഞ്ചാവു തൈ കണ്ടെണ്ടത്തി. കാടാമ്പുഴക്കടുത്ത പാങ്ങൂത്തിലെ വാണിയംതൊടി ഹംസയുടെ ഒന്നര ഏക്കര്‍ സ്ഥലത്തെ  താമസക്കാരില്ലാത്ത വീട്ടുവളപ്പിലാണു കഞ്ചാവു തൈ കണ്ടെത്തിയത്.
ഏകദേശം രണ്ടു മാസം പ്രായം വരുന്ന കഞ്ചാവു ചെടിയാണ് കണ്ടെണ്ടത്തിയത്. വീട് നേരത്തെ വാടകയ്ക്കു നല്‍കിയിരുന്നു. മൂന്നു മാസം മുമ്പു താമസം ഒഴിവാക്കി പോയവര്‍ നട്ടതാണെന്നു സംശയിക്കുന്നു.
സമീപത്തു കഞ്ചാവു പൊതിഞ്ഞിരുന്നതെന്ന സംശയിക്കുന്ന ചെറിയ കവറുകള്‍ കണ്ടെണ്ടടുത്തു. കാടാമ്പുഴ എസ്.ഐ മഞ്ജിത്‌ലാലിന്റെ നേതൃത്വത്തില്‍ പരിശോധന നടത്തി പൊലിസ് കേസെടുത്തു.