പയ്യന്നൂര്‍: യൂത്ത് സെന്ററിന്റെ അഭിമുഖ്യത്തില്‍ സംഘടിപ്പിക്കുന്ന കോല്‍ക്കളി കളരിയില്‍ മുപ്പതോളം കുട്ടികള്‍ പഠനം തുടങ്ങി. കെ. ശിവകുമാര്‍ ഗുരുക്കളുടെ നേതൃത്വത്തിലാണ് കോല്‍ക്കളി അഭ്യസിപ്പിക്കുന്നത്. പയ്യന്നൂര്‍ കോല്‍ക്കളിയിലെ രണ്ട് ചവുട്ടി ചുരുട്ടലും ഒരു ഇരട്ട കൊട്ടി ചവുട്ടും ചവുട്ടി ചുറ്റല്‍ രണ്ടു തരം തടുത്ത് ചുറ്റല്‍ കളികളുമാണ് കുട്ടികളെ പരിശീലിപ്പിക്കുന്നത്. കോല്‍ക്കളിയിലെ പ്രധാനചടങ്ങായ കോലെടുക്കല്‍ ചടങ്ങ് പയ്യന്നൂര്‍ ശ്രീപ്രഭാ ഓഡിറ്റോറിയത്തില്‍ വെച്ച് ടി.വി രാജേഷ് എം.എല്‍.എ ഭദ്രദീപം കൊളുത്തി ഉദ്ഘാടനം ചെയ്തു. പയ്യന്നൂര്‍ നഗരസഭാ ചെയര്‍മാന്‍ അഡ്വ.ശശിവട്ടക്കൊവ്വല്‍ മുഖ്യാതിഥിയായി. രജനീകാന്ത് എസ്, ഗണേഷ് കെ, ടി. വിശ്വനാഥന്‍, ടി. മോഹനന്‍, പി.വി കൃഷ്ണന്‍ ചടങ്ങിന് നേതൃത്വം നല്‍കി.