ലണ്ടന്‍: ഇംഗ്ലീഷ് പ്രീമിയര്‍ ലീഗില്‍ മാഞ്ചസ്റ്റര്‍ സിറ്റിക്ക് ജയം. ബേണ്‍മൗത്തിനെ 3-1 എന്ന സ്‌കോറിനാണ് സിറ്റി പരാജയപ്പെടുത്തിയത്. ജയത്തോടെ സിറ്റി 38 പോയിന്റുമായി പട്ടികയില്‍ ഒന്നാം സ്ഥാനത്ത് തുടരുന്നു. ബെര്‍ണാഡോ സില്‍വ (16), റഹീം സ്റ്റിര്‍ലിങ് (57), ഗുണ്ടോഗന്‍ (79) എന്നിവരാണ് സിറ്റിക്ക് വേണ്ടി ഗോള്‍ നേടിയത്. കല്ലം വില്‍സണാന് ബേണ്‍ മൗത്തിന്റെ ആശ്വാസ ഗോള്‍ നേടിയത്. മറ്റൊരു മത്സരത്തില്‍ കാര്‍ഡിഫ് സിറ്റി 2-1 എന്ന സ്‌കോറിന് വോള്‍വ്‌സിനെയും ലെസ്റ്റര്‍ സിറ്റി 2-0ന് വാട്‌ഫോഡിനേയും പരാജയപ്പെടുത്തി. എതിരില്ലാത്ത മൂന്ന് ഗോളുകള്‍ക്ക് വെസ്റ്റ് ഹാം ന്യൂ കാസിലിനെ തുരത്തിയപ്പോള്‍ 2-0 എന്ന സ്‌കോറിന് ക്രിസ്റ്റല്‍ പാലസ് ബേണ്‍ലിയെ പരാജയപ്പെടുത്തി. 2-1 എന്ന സ്‌കോറിന് ബ്രിങ്ടണ്‍ ഹഡര്‍സ്ഫീല്‍ഡിനെ പരാജയപ്പെടുത്തി.