നിലമ്പൂര്‍: ദേശീയ വ്യാപാരി ദിനമായ ഒന്‍പതിന് കേരള വ്യാപാരി വ്യവസായി ഏകോപന സമിതി നിലമ്പൂര്‍ മണ്ഡലം കമ്മിറ്റിയുടെ ആഭിമുഖ്യത്തില്‍ യൂനിറ്റുതല രക്തദാന ക്യാംപുകള്‍ക്ക് തുടക്കമിടുമെന്ന് ഭാരവാഹികള്‍ വാര്‍ത്താസമ്മേളനത്തില്‍ അറിയിച്ചു. ചുങ്കത്തറ വ്യാപാരഭവനില്‍ രാവിലെ ഒന്‍പതിന് ആദ്യ ക്യാംപ് ജില്ലാ സെക്രട്ടറി വിനോദ് പി.മേനോന്‍ ഉദ്ഘാടനം ചെയ്യും. 24ന് നിലമ്പൂരിലും മഞ്ചേരി മെഡിക്കല്‍ കോളജ് രക്തബാങ്കിന്റെ സഹകരണത്തോടെ ക്യാംപ് നടത്തും. മണ്ഡലത്തിലെ 13 യൂനിറ്റുകളിലും ഇത്തരത്തില്‍ ക്യാംപ് നടത്തി പങ്കാളികളാകുന്നവര്‍ക്ക് രക്തബാങ്ക് അംഗത്വ കാര്‍ഡ് നല്‍കും. വാര്‍ത്താ സമ്മേളനത്തില്‍ മണ്ഡലം പ്രസിഡന്റ് അബ്ദുല്‍ ഹക്കീം ചങ്കരത്ത്, ജില്ലാ സെക്രട്ടറി വിനോദ് പി.മേനോന്‍, സംസ്ഥാന കമ്മിറ്റി അംഗം എന്‍.അബ്ദുല്‍ മജീദ്, മണ്ഡലം സെക്രട്ടറി ടോമി ചെഞ്ചേരി, കെ.സഫറുള്ള എന്നിവര്‍ പങ്കെടുത്തു.