ജിദ്ദ: എവർ ഗ്രീൻ എഫ്.സി അൽ ദുർറ സ്റ്റേഡിയത്തിൽ ഒരു മാസ മായി നടന്നു വരുന്ന 'അറാട് കോ സൂപ്പർ കപ്പ്‌ 2019 ' സെവൻസ് ഫുട്ബാൾ മേളയിൽ അറാട് കോ എവർ ഗ്രീൻ എഫ് സി ടീം ജേതാക്കളായി. ഫൈനലിൽ സാലു ഡി.എൻ.എ റാബിഖ് ടീമിനെ എതിരില്ലാത്ത ഒരു ഗോളിന് തോൽപ്പിച്ചാണ് അറാട് കോ എവർ ഗ്രീൻ എഫ് സി വിജയിച്ചത്. സഊദിയിലെ വിവിധ പ്രദേശങ്ങളിൽ നിന്നുള്ള പ്രമുഖരായ കളിക്കാർ പങ്കെടുത്ത ടൂർണമെന്റിലെ ഏറ്റവും നല്ല കളിക്കാരനായി എവർ ഗ്രീൻ എഫ്.സി ടീമിലെ സുബൈറിനെയും ഏറ്റവും നല്ല ഗോളിയായി മുബഷിറിനെ യും ബെസ്‌റ്റ് ഡിഫൻഡറായി റഫീഖിനെയും തിരഞ്ഞെടുത്തു. സാലു ഡി.എൻ.എ റാബിഖ് ടീമിലെ മുബാറഖ് ആണ് ടോപ്പ് സ്‌കോറർ. സാദിഖ് ആണ് ടൂർണമെന്റിലെ മാൻ ഓഫ് ദി മാച്ച്. ഫൈനലിലെ ഏറ്റവും നല്ല കളി ക്കാരനായി സനോജിനെ തിരെഞ്ഞെടുത്തു.

       വിജയികൾക്കുള്ള ട്രോഫികളും സമ്മാനങ്ങളും ക്യാഷ് അവാർ ഡും അബ്ദുൽ ഹമീദ് ആറാട് കോ, സോയ എച്. ആർ മാനേജർ മുഹമ്മദ് അസാം മുർഷിദ്, അബ്‌ദുൽ കരീം പുഴക്കാട്ടിരി, മുസ്‌തഫ മൊറയൂർ, സിദ്ധീഖുൽ അക്ബർ, സുബൈർ, മുബഷിർ എന്നിവർ വിതര ണം ചെയ്‌തു. മേളയുടെ ഫൈനൽ മത്‌സരത്തോടനുബന്ധിച്ച് മദീന ഇന്ത്യൻ ഫുട്ബാൾ അസോസിയേഷൻ (എം.ഐ.എഫ്.എ) ടീമും യാമ്പു ഇന്ത്യൻ ഫുട്ബാൾ അസോസിയേഷൻ (വൈ.ഐ.എഫ്.എ) ടീമും തമ്മിൽ വെറ്ററൻസ് മാച്ചും സംഘടിപ്പിച്ചിരുന്നു. എവർ ഗ്രീൻ എഫ് സി പ്രസിഡന്റ് അസ്‌കർ വണ്ടൂർ, ജനറൽ സെക്രട്ടറി കെ.വി റാഫി, ട്രഷറർ ഫൈസൽ മലപ്പുറം, ഷബീർ ഹസ്സൻ, ഹുസ്‌നു കോയക്കുട്ടി, സാബിത്, സുഹൈൽ, നൗഷാദ്, റിഷാദ്, ഹാരിസ്, ബഷീർ എന്നിവർ മേളക്ക് നേതൃത്വം നൽകി.