കൊച്ചി: സ്വാശ്രയ വിദ്യാഭ്യാസ സ്ഥാപനങ്ങള്‍ക്ക് നികുതിയിളവ് നല്‍കണമെന്നാവശ്യപ്പെട്ട് സമര്‍പ്പിച്ച ഹരജികള്‍ ഹൈക്കോടതി തള്ളി. എയ്ഡഡ് വിദ്യാഭ്യാസ സഥാപനങ്ങള്‍ക്കും സര്‍ക്കാര്‍ സ്ഥാപനങ്ങള്‍ക്കും അനുവദിച്ച വസ്തു നികുതിയിളവ് സ്വാശ്രയ വിദ്യാഭ്യാസ സ്ഥാപനങ്ങള്‍ക്കും അനുവദിക്കണമെന്നാവശ്യപ്പെട്ട് സ്വാശ്രയ വിദ്യാഭ്യാസ സ്ഥാപനങ്ങള്‍ നല്‍കിയ ഹരജികളാണ് കോടതി തള്ളിയത്. സര്‍ക്കാരിന്റെ സഹായം ലഭിക്കുന്ന സ്ഥാപനങ്ങള്‍ക്കു വീണ്ടും ഇളവു നല്‍കുകയും സ്വാശ്രയ സ്ഥാപനങ്ങള്‍ക്ക് ഇളവ് അനുവദിക്കാത്തത് വിവേചനമാണെന്നും ഹരജിക്കാര്‍ വാദിച്ചിരുന്നു.
സര്‍ക്കാര്‍ എയ്ഡഡ് സ്ഥാപനങ്ങള്‍ പൊതുപണം ഉപയോഗിച്ചാണ് പ്രവര്‍ത്തിക്കുന്നത് എന്നാല്‍ ഹരജിക്കാരുടെ ഉടമസ്ഥതയിലുള്ള സ്ഥാപനങ്ങള്‍ക്ക് വരുമാനമുള്ളവയാണെന്നും ഹരജി അനുവദിക്കാനാവില്ലെന്നും കോടതി വ്യക്തമാക്കി. സ്വാശ്രയ സ്ഥാപനങ്ങളുടെ വരുമാനം പൊതു ആവശ്യത്തിനു ഉപയോഗിക്കുന്നവയല്ലെന്നും എന്നാല്‍ സര്‍ക്കാര്‍ , എയ്ഡഡ് സ്ഥാപനങ്ങളുടെ വരുമാനവും മറ്റും പൊതു മേഖലയിലേക്കാണ് ഉപയോഗപ്പെടുത്തുന്നത്.
സ്വാശ്രയ സ്ഥാപനങ്ങള്‍ക്ക് നികുതിയിളവ് നല്‍കാത്തത് വിവേചനമാവില്ലെന്നും സര്‍ക്കാര്‍ കോടതിയില്‍ ബോധിപ്പിച്ചിരുന്നു.