പുല്‍പ്പള്ളി: പകര്‍ച്ചപനി ഉള്‍പ്പടെ വര്‍ധിച്ചുവരുമ്പോള്‍ കക്കൂസ് മാലിന്യം റോഡിലൂടെ ഒഴുകുന്നത് മൂലം വിദ്യാര്‍ഥികളും നാട്ടുകാരും ദുരിതത്തിലായി. പുല്‍പ്പള്ളി പഞ്ചായത്തിലെ ചുണ്ടക്കൊല്ലിയിലെ 14 ഓളം കുടുംബങ്ങള്‍ താമസിക്കുന്ന ക്വാര്‍ട്ടേസിലെ കക്കൂസ് മാലിന്യമാണ് ടാങ്ക്‌പൊട്ടി ദിവസങ്ങളായി റോഡിലൂടെ ഒഴുകുന്നത്. 

നാട്ടുകാര്‍ പൊലിസിലും പഞ്ചായത്തിലും പരാതി നല്‍കിയിട്ടും പരിഹാര നടപടികള്‍ സ്വീകരിക്കുന്നില്ല. സമീപത്തെ കിണറിന് സമീപത്തൂടെയാണ് മാലിന്യം ഒഴുകുന്നത്. ഈ കിണറിലെ വെള്ളമാണ് ക്വാര്‍ട്ടേഴ്‌സില്‍ താമസിക്കുന്നവര്‍ ഉപയോഗിക്കുന്നത്. എന്നാല്‍ ഇതിന് പരിഹാരം കാണാന്‍ തയാറാകാത്ത ക്വാര്‍ട്ടേഴ്‌സ് ഉടമയ്‌ക്കെതിരേ നിയമ നടപടി സ്വീകരിക്കുമെന്ന് പുല്‍പ്പള്ളി പഞ്ചായത്ത് സാനിറ്ററി ഇന്‍സ്‌പെക്ടര്‍ സജു പി ഏബ്രാഹം പറഞ്ഞു.