കല്‍പ്പറ്റ: ഇന്ത്യയിലാകമാനം മാതൃകാ പ്രവര്‍ത്തനങ്ങള്‍ കാഴ്ച വെക്കുന്ന സി.എച്ച് സെന്ററുകള്‍ രോഗികള്‍ക്കും നിലാരമ്പര്‍ക്കും ആശ്രയമായി കൊണ്ടിരിക്കുകയാണ്. വയനാട് സി.എച്ച് സെന്ററിന്റെ കഴിഞ്ഞ അഞ്ചു വര്‍ഷത്തെ പ്രവര്‍ത്തനം വൈത്തിരി താലൂക്ക് ആശുപത്രിയില്‍ രോഗികള്‍ക്ക് ഭക്ഷണം വിതരണം നടത്തിയും കല്‍പ്പറ്റ ശാന്തി പെയിന്‍ ആന്‍ഡ് പാലിയേറ്റീവുമായി സഹകരിച്ച് നൂറു കണക്കിന് രോഗികള്‍ക്ക് ഡയാലിസിസിന് സഹായം നല്‍കുവാനും സാധിച്ചു. സെന്ററിന് കല്‍പ്പറ്റ കൈനാട്ടിയില്‍ ഒരു ആസ്ഥാനം പണിയാന്‍ സമസ്ത ഓഡിറ്റോറിയത്തില്‍ ചേര്‍ന്ന ജനറല്‍ ബോഡി യോഗം തീരുമാനിച്ചു. മുസ്‌ലീം ലീഗ് ജില്ലാ വൈസ് പ്രസിഡന്റ് പി.കെ അബൂബക്കര്‍ ഉദ്ഘാടനം ചെയ്തു. ചെയര്‍മാന്‍ പയന്തോത്ത് മൂസാ ഹാജി അധ്യക്ഷനായി.
കണ്‍വീനര്‍ റസാഖ് കല്‍പ്പറ്റ, സി മൊയ്തീന്‍ കുട്ടി, ടി ഹംസ, കണ്ണോളി മുഹമ്മദ്, എം.എ അസൈനാര്‍, സലീം മേമന, സലാം നീലിക്കണ്ടി, കെ.സി മൊയ്തീന്‍ ഹാജി, അഡ്വ. എം.സി.എം ജമാല്‍, കെ.കെ മൊയ്തു, എ.പി ഹമീദ്, പനന്തറ മുഹമ്മദ്, മൊയ്തീന്‍ കുട്ടി പടിഞ്ഞാറത്തറ എന്നിവര്‍ സംസാരിച്ചു.