തേഞ്ഞിപ്പലം: 'വിശ്വശാന്തിക്ക് മതവിദ്യ' എന്ന പ്രമേയത്തില്‍ ഡിസംബര്‍ 27, 28, 29 തിയതികളില്‍ കൊല്ലത്തു നടക്കുന്ന സമസ്ത കേരള ജംഇയ്യത്തുല്‍ മുഅല്ലിമീന്‍ അറുപതാം വാര്‍ഷിക സമ്മേളനത്തോടനുബന്ധിച്ച് ഈ മാസം 30 മുതല്‍ ഡിസംബര്‍ അഞ്ചുവരെ നടത്തുന്ന ഉത്തര, ദക്ഷിണ മേഖലാ സന്ദേശ ജാഥകളുടെ ഭാഗമായി ഇന്നു വൈകിട്ട് നാലിനു വരക്കല്‍ മഖാമില്‍ സിയാറത്ത് നടക്കും.
ഇരു ജാഥകളിലെയും സ്ഥിരാംഗങ്ങളും സമസ്തയുടെയും കീഴ്ഘടകങ്ങളുടെയും നേതാക്കളും പ്രവര്‍ത്തകരും പങ്കെടുക്കും. കോഴിക്കോട് ഖാസി സയ്യിദ് മുഹമ്മദ് കോയ തങ്ങള്‍ ജമലുല്ലൈലി നേതൃത്വം നല്‍കും.
പതാക കൈമാറ്റം നാളെ
തേഞ്ഞിപ്പലം: സമസ്ത കേരള ജംഇയ്യത്തുല്‍ മുഅല്ലിമീന്‍ സമ്മേളനത്തിന്റെ ഭാഗമായി നടക്കുന്ന ഉത്തര, ദക്ഷിണ മേഖലാ സന്ദേശ ജാഥകളുടെ പതാക കൈമാറ്റം നാളെ രാവിലെ 8.30ന് പാണക്കാട്ട് നടക്കും. പാണക്കാട് മഖാം സിയാറത്തിനു ശേഷം സയ്യിദ് ഹൈദരലി ശിഹാബ് തങ്ങള്‍ പതാക കൈമാറും. ഉത്തര മേഖലാ ജാഥാ ക്യാപ്റ്റന്‍ കൊയ്യോട് ഉമര്‍ മുസ്‌ലിയാര്‍, ദക്ഷിണ മേഖലാ ജാഥാ ക്യാപ്റ്റന്‍ ഡോ. ബഹാഉദ്ദീന്‍ മുഹമ്മദ് നദ്‌വി എന്നിവര്‍ ഏറ്റുവാങ്ങും. ഇരു ജാഥകളിലെയും സ്ഥിരാംഗങ്ങളും പ്രഭാഷകരും രാവിലെ 8.30നു പാണക്കാട്ട്് എത്തിച്ചേരണമെന്ന് കണ്‍വീനര്‍ അറിയിച്ചു.