പട്‌ന: ആര്‍.ജെ.ഡി പ്രസിഡന്റായി ജഗ്ദാനന്ദ് സിങിനെ തിരഞ്ഞെടുത്തു. ബുക്‌സറില്‍നിന്നുള്ള മുന്‍ എം.പിയാണ് ജഗ്ദാനന്ദ് സിങ്. പാര്‍ട്ടിയുടെ 22 വര്‍ഷത്തെ ചരിത്രത്തിലാദ്യമായി സവര്‍ണനായ ഒരാള്‍ പ്രസിഡന്റ് സ്ഥാനത്തെത്തുന്നത്. പാര്‍ട്ടിയുടെ നേതൃത്വത്തില്‍ ഇതുവരെ യാദവ, മുസ്‌ലിം പ്രാതിനിധ്യമായിരുന്നു. അടുത്ത വര്‍ഷം നിയമസഭാ തെരഞ്ഞെടുപ്പ് നടക്കാനിരിക്കെയാണ് ആര്‍.ജെ.ഡിയുടെ പെട്ടെന്നുള്ള മനംമാറ്റം.
രാമചന്ദ്ര പുര്‍വെയ്ക്ക് പകരക്കാരനായാണ് ജഗ്ദാനന്ദ് തിരഞ്ഞെടുക്കപ്പെട്ടത്. ആര്‍.ജെ.ഡിയിലെ മുതിര്‍ന്ന നേതാവും സംസ്ഥാനത്തിന്റെ മുന്‍ ജലസേചന വകുപ്പ് മന്ത്രിയുമാണ്.