കുന്നംകുളം: കവര്‍ച്ചാസംഘത്തെ പിന്തുടര്‍ന്ന് പിടികൂടി പൊലിസിലേല്‍പിച്ച ബസ് കണ്ടണ്ടക്ടര്‍ക്ക് നാട്ടുകാരുടെ അഭിനന്ദനം. കുറ്റിപ്പുറം,തൃശൂര്‍ റൂട്ടിലോടുന്ന വിനോദ് ബസിലെ കണ്ടണ്ടക്ടര്‍ പട്ടാമ്പി പള്ളിപുറം സ്വദേശി ഷാബുവിനേയാണ് നാട്ടുകാരും വിദ്യാര്‍ഥികളും ചേര്‍ന്ന് പൊന്നാടയണിയിച്ച് ആദരിച്ചത്.
കഴിഞ്ഞദിവസം ബസില്‍ യാത്രചെയ്യുകയായിരുന്ന പെരുമ്പിലാവിലെ സ്വകാര്യ ആശുപത്രി ജീവനക്കാരി ഷമീനയുടെ പണമടങ്ങിയ പഴ്‌സ് ഒപ്പം യാത്രചെയ്തിരുന്ന തമിള്‍ സ്വദേശിനികളായ അമ്മയും മകളും ചേര്‍ന്ന് അപഹരിച്ചു.
ടിക്കറ്റെടുക്കാനായി പഴ്‌സ് തിരഞ്ഞപ്പോഴാണ് യുവതി പഴ്‌സ് നഷ്ടപെട്ടവിവരം അറിഞ്ഞത്. ഇതറിഞ്ഞ കണ്ടണ്ടക്ടര്‍ പോര്‍ക്കുളം സ്റ്റോപ്പിലിറങ്ങിയ തമിള്‍സ്വദേശികളെ തിരഞ്ഞ് ഓട്ടോറിക്ഷവിളിച്ച് ആ റൂട്ടിലൂടെ പോയ ബസിനെ പിന്തുടര്‍ന്ന് ഇവരെ പിടികൂടുകയായിരുന്നു. ചോദ്യം ചെയ്തതോടെ ഇവര്‍ പഴ്‌സ് തിരിച്ചുനല്‍കി. പിന്നീട് പൊലിസെത്തി മോഷ്ടാക്കളെ അറസ്റ്റ് ചെയ്തു. കണ്ടണ്ടക്ടറുടെ പ്രവര്‍ത്തനത്തിന് കുന്നംകുളം പൊലീസും അഭിനന്ദിച്ചു.