കാഞ്ഞങ്ങാട്: മലയാളം, തുളു, കന്നട, ബ്യാരി, മറാത്തി, ഉര്‍ദു, കൊങ്കിണി എന്നിങ്ങനെ ഭാഷകളില്‍ മാത്രമല്ല പലഹാരങ്ങളിലും വൈവിധ്യങ്ങളേറെയുണ്ട് കാസര്‍കോട്ട്.
ചിക്കന്‍ റോളും കായി അടയും മുട്ടയപ്പവുമെല്ലാം കാസര്‍കോടന്‍ തനതു രുചികളാണ്. എന്നാല്‍, കലോത്സവത്തിനെത്തുന്നവര്‍ക്ക് കാസര്‍കോട് കന്നട ഭവനങ്ങളില്‍ പ്രിയമേറെയുള്ള ഒരു രുചി വിളമ്പും. ഗോളികയും പാലടയും.
കണ്ടാല്‍ ചപ്പാത്തി പോലെ തോന്നുമെങ്കിലും പായസത്തിനൊപ്പം മധുരമോടെ കഴിക്കാവുന്ന വിഭവമാണിത്. പഴയിടം മോഹനന്‍ നമ്പൂതിരിയാണ് പാചകം. സദ്യ ഇലയിട്ട് വിളമ്പും. 2,750 പേര്‍ക്ക് ഒരേ സമയം ഇരുന്നുണ്ണാന്‍ പറ്റുന്ന തരത്തിലാണ് സബര്‍മതിയെന്ന പേരില്‍ ഭക്ഷണശാല ഒരുക്കിയിരിക്കുന്നത്.