ന്യൂഡല്‍ഹി: ഐ.എന്‍ എക്‌സ് മീഡിയ കേസില്‍ തിഹാര്‍ ജയിലില്‍ കഴിയുന്ന പി.ചിദംബരത്തെ രാഹുല്‍ ഗാന്ധിയും പ്രിയങ്ക ഗാന്ധിയും സന്ദര്‍ശിച്ചു.
ഇന്നലെ കാലത്തായിരുന്നു ഇരുവരും തിഹാറിലെത്തിയത്. ഇരുവരും 50 മിനിറ്റോളം ചിദംബരവുമായി സംസാരിച്ചതായി ചിദംബരത്തിന്റെ മകന്‍ കാര്‍ത്തി ചിദംബരം പറഞ്ഞു. കോണ്‍ഗ്രസ് കൂടെയുണ്ടെന്ന ശക്തമായ സന്ദേശമാണ് അവര്‍ തന്റെ പിതാവിന് നല്‍കിയതെന്നു കാര്‍ത്തി വ്യക്തമാക്കി.
ഓഗസ്റ്റ് 21ന് സി.ബി.ഐയാണ് ചിദംബരത്തെ അറസ്റ്റ് ചെയ്തത്.
ഒക്ടോബര്‍ 22ന് ജാമ്യം ലഭിച്ചെങ്കിലും എന്‍ഫോഴ്‌സ്‌മെന്റ് ഡയരക്ടറേറ്റ് മറ്റൊരു കേസ് രജിസ്റ്റര്‍ ചെയ്ത് പുറത്തിറങ്ങാനാവാത്ത സാഹചര്യമുണ്ടാക്കുകയായിരുന്നു.