കോഴിക്കോട്: പക്ഷിപ്രേമികള്‍ക്ക് കൗതുകമായി കോഴിക്കോട് ബീച്ചില്‍ രാജഹംസങ്ങള്‍ വിരുന്നെത്തി. അഞ്ച് രാജഹംസങ്ങളാണ് ഇന്ന് രാവിലെയോടെ ബീച്ചില്‍ എത്തിയത്.

കഴുത്തിനും കാലുകള്‍ക്കും വളരെയധികം നീളമുള്ള സുന്ദരിയാണ് ഗ്രെയ്റ്റര്‍ ഫ്‌ലമിംഗോ എന്ന രാജഹംസം. ഇന്ത്യയില്‍ പശ്ചിമോത്തര ഭാഗങ്ങളിലാണ് ഇവയെ കൂടുതലായി കാണപ്പെടുന്നത്. നവംബര്‍ ഡിസംബര്‍ മാസങ്ങളില്‍ ഇവ ദേശാടനം ചെയ്യാറുണ്ട്.

സാധാരണയായി ഇവയുടെ തൂവലുകള്‍ക്കും കാലുകള്‍ക്കും പിങ്ക് നിറം കലര്‍ന്ന വെളുപ്പാണ്. ബീച്ചില്‍ എത്തിയ രാജഹംസങ്ങള്‍ കുഞ്ഞായതിനാല്‍ ഇതിന്റെ ചിറകുകള്‍ക്ക് പിങ്ക് നിറം വന്നിട്ടില്ല.രാജഹംസങ്ങളെ കാണാനും ചിത്രം പകര്‍ത്താനുമായി ധാരാളം പേരാണ് ബീച്ചിലെത്തിയത്.

https://www.facebook.com/Suprabhaatham/videos/744028675955645/