ജിദ്ദ: പ്രവാസി സാംസ്കാരികവേദി ജനുവരി അവസാന വാരം ജിദ്ദയിൽ ഒരുക്കുന്ന "പ്രവാസി മഹോത്സവം 2020" മെഗാ ഇവന്റുമായി ബന്ധപ്പെട്ട് കലാ വിഭാഗമായ 'പ്രവാസി സർഗ്ഗധാര' സംഘടിപ്പിക്കുന്ന വിവിധ മത്സരങ്ങളിലേക്ക് രജിസ്‌ട്രേഷൻ ആരംഭിച്ചു. പ്രബന്ധ രചന, മാപ്പിളപ്പാട്ട്, ലളിതഗാനം, പ്രസംഗം, ഫോട്ടോഗ്രാഫി, തിരക്കഥ രചന, കാർട്ടൂൺ, കൊളാഷ്, കവിതാ രചന തുടങ്ങി ഒൻപത് ഇനങ്ങളിലായി ഡിസംബർ, ജനുവരി മാസങ്ങളിലായാണ് മത്സരങ്ങൾ നടക്കുക. അവസാന രജിസ്‌ട്രേഷൻ തിയതി ഡിസംബർ 6 ആണ്. [email protected] വഴിയോ http://bit.ly/pravasijed സൈറ്റ് മുഖേനയോ രജിസ്‌സ്റ്റർ ചെയ്യാവുന്നതാണ്.
     വിജയികൾക്ക് "പ്രവാസി മഹോത്സവം 2020" വേദിയിൽ സമ്മാനങ്ങൾ വിതരണം ചെയ്യും. തെരെഞ്ഞെടുക്കപ്പെട്ട മികച്ച കലാ പരിപാടികൾ പ്രവാസി സാംസ്‌കാരിക വേദി ഒരുക്കുന്ന വിവിധ വേദികളിൽ അവതരിപ്പിക്കാൻ അവസരമുണ്ടാവുമെന്ന് സർഗ്ഗധാര കൺവീനർ സലിം എടയൂർ, പ്രോഗ്രാം കോഓർഡിനേറ്റർ കെ എം കരീം എന്നിവർ അറിയിച്ചു.