മുംബൈ: മഹാരാഷ്ട്രയില്‍ ശരദ് പവാര്‍ രൂപീകരിച്ച ഈ അവിശുദ്ധ സഖ്യത്തില്‍ കോണ്‍ഗ്രസിന് ഒരു പങ്കുമില്ലെന്നും ഈ മൂന്നുവീല്‍ കാര്‍ അധിക ദൂരം പോകില്ലെന്നും എത്രദൂരം പോകുമെന്ന് നമുക്കു കാണാമെന്ന് ബി.ജെ.പി നേതാവ് പൂനം മഹാജന്‍. ഉദ്ധവ് മന്ത്രിസഭ സത്യപ്രതിജ്ഞ ചെയ്തതിനു പിന്നാലെയാണ് പൂനം മഹാജന്റെ പ്രതികരണം വന്നത്.

'മഹാരാഷ്ട്രയുടെ മുഖ്യമന്ത്രിയായ ഉദ്ധവിന് അഭിനന്ദനങ്ങള്‍. അവരുടെ മുചക്ര കാര്‍ എത്ര ദൂരം പോകുമെന്ന് നമുക്ക് നോക്കാം.
ശരദ് പവാര്‍ രൂപീകരിച്ച ഈ അവിശുദ്ധ സഖ്യത്തില്‍ കോണ്‍ഗ്രസിന് ഒരു പങ്കുമില്ല. അവര്‍ ഡല്‍ഹിയിലിരുന്ന് വെറുതെ എല്ലാം കാണുകയാണെന്നും അവര്‍ പറഞ്ഞു.
ഇന്നു വൈകിട്ടായിരുന്നു ഉദ്ധവ് താക്കറെ മുഖ്യമന്ത്രിയായും മറ്റു ആറു മന്ത്രിമാരും മുംബൈയില്‍ സത്യപ്രതിജ്ഞ ചെയ്തത്.