വാഴക്കാട്: കണ്ണിയത്ത് അഹമ്മദ് മുസ്‌ലിയാരുടെ 27ാമത് ഉറൂസ് നാളെ സമാപിക്കും. നാളെ രാവിലെ 8:30 ന് നടക്കുന്ന മഖാം സിയാറത്തിന് എം.ടി അബ്ദുല്ല മുസ്‌ലിയാര്‍ നേതൃത്വം നല്‍കും. ഒന്‍പതിനു നടക്കുന്ന സമാപന സനദ്ദാന സമ്മേളനം സയ്യിദ് നാസര്‍ അബ്ദുല്‍ ഹയ്യ് ശിഹാബ് തങ്ങളുടെ അധ്യക്ഷതയില്‍ സമസ്ത പ്രസിഡന്റ് സയ്യിദ് മുഹമ്മദ് ജിഫ്‌രി മുത്തുക്കോയ തങ്ങള്‍ ഉദ്ഘാടനം ചെയ്യും. കണ്ണിയത്ത് ഉസ്താദ് സ്മാരക ഹിഫ്‌ളുല്‍ ഖുര്‍ആന്‍ കോളജില്‍നിന്ന് പഠനം പൂര്‍ത്തിയാക്കിയ ഹാഫിളുകള്‍ക്കുള്ള സനദ്ദാനവും ജിഫ്‌രി തങ്ങള്‍ നിര്‍വഹിക്കും. എ.വി അബ്ദുറഹ്മാന്‍ മുസ്‌ലിയാര്‍, ഉമര്‍ ഫൈസി മുക്കം, അബ്ദുല്‍ ഹമീദ് ഫൈസി അമ്പലക്കടവ്, ആനമങ്ങാട് മുഹമ്മദ് കുട്ടി ഫൈസി, ഹസന്‍ സഖാഫി പൂക്കോട്ടൂര്‍, റശീദ് ഫൈസി വെള്ളായിക്കോട്, ഇ.ടി മുഹമ്മദ് ബഷീര്‍ എം.പി സംസാരിക്കും.
തുടര്‍ന്ന് നടക്കുന്ന ഖത്മുല്‍ ഖുര്‍ആന്‍ പ്രാര്‍ഥനാ സദസിന് വാവാട് കുഞ്ഞിക്കോയ മുസ്‌ലിയാര്‍ നേതൃത്വം നല്‍കും. കാല്‍ലക്ഷം പേര്‍ക്കുള്ള അന്നദാനത്തോടെ ഉറൂസിന് സമാപനമാവും.