മലപ്പുറം: എസ്.കെ.എസ്.എസ്.എഫ് കേരള ത്വലബ കോണ്‍ഫറന്‍സിന് ഇന്ന് മലപ്പുറം പടിഞ്ഞാറ്റുമുറി ഫള്ഫരി കാംപസില്‍ വൈകിട്ട് അഞ്ചിന് സയ്യിദ് സാബിഖലി ശിഹാബ് തങ്ങള്‍ പതാക ഉയര്‍ത്തും. രണ്ട് ദിവസങ്ങളിലായി റൗളത്തുന്നവി നഗരയില്‍ നടക്കുന്ന ക്യാംപില്‍ മൂന്ന് വേദികളിലായി 30 വിഷയാവതരണങ്ങള്‍ നടക്കും. ദര്‍സ്, അറബിക് കോളജുകളില്‍നിന്ന് 1500 പ്രതിനിധികള്‍ സംബന്ധിക്കും.
കോണ്‍ഫറന്‍സിനോടനുബന്ധിച്ച് സംഘടിപ്പിച്ച ത്വലബാ പതാക യാത്ര സമാപിച്ചു. വരക്കല്‍ മഖാമില്‍ നിന്നാരംഭിച്ച യാത്ര ഫള്ഫരി മഖാമില്‍ അവസാനിച്ചു. ഡോ. ബഹാഉദ്ദീന്‍ മുഹമ്മദ് നദ്‌വി പ്രാര്‍ഥനയ്ക്ക് നേതൃത്വം നല്‍കി.