ആലക്കോട്: ഓടിക്കൊണ്ടിരുന്ന കാറിന് തീപിടിച്ച് യുവാവിന് ഗുരുതരമായി പൊള്ളലേറ്റു. കാര്‍ത്തികപുരം കോഴിതാവളം സ്വദേശി കുഴിമറ്റത്തില്‍ ബാബു (45) വിനാണ് പൊള്ളലേറ്റത്.
രാവിലെ 9 മണിയോടെയായിരുന്നു അപകടം. നിര്‍മ്മാണ തൊഴിലാളിയായ ബാബു ഓടിച്ചിരുന്ന കാര്‍

മണക്കടവിനടുത്ത് ചെമ്മണ്ണ് കുന്നില്‍ വെച്ച് സ്‌ഫോടന ശബ്ദത്തോട് കൂടി കത്തുകയായിരുന്നു. ദേഹം മുഴുവന്‍ തീ പടര്‍ന്ന അവസ്ഥയില്‍ കാറില്‍ നിന്ന് തെറിച്ചു വീണ ബാബുവിനെ നാട്ടുകാരാണ് ആശുപത്രിയില്‍ എത്തിച്ചത്. ശരീരം മുഴുവന്‍ പൊള്ളലേറ്റ ഇയാളെ പരിയാരം മെഡിക്കല്‍ കോളജിലെ തീവ്രപരിചരണ വിഭാഗത്തില്‍ പ്രവേശിപ്പിച്ചിരിക്കുകയാണ്. മണിക്കൂറുകള്‍ നീണ്ട പ്രയത്‌നത്തിനൊടുവിലാണ് തീ കെടുത്താനായത്. കാര്‍ പൂര്‍ണമായും കത്തിനശിച്ചു. ആലക്കോട് പൊലിസ് സ്ഥലത്തെത്തി പ്രാഥമിക അന്വേഷണം നടത്തി.