റിയോ ഡി ജനീറോ: ബോക്‌സിങില്‍ മെഡല്‍ പ്രതീക്ഷകളുമായി ഇന്ത്യയുടെ വികാസ് കൃഷ്ണന്‍ ഇന്ന് കളത്തിലിറങ്ങും. ആദ്യ മത്സരത്തില്‍ അമേരിക്കയുടെ ചാള്‍സ് കോണ്‍വെല്ലാണ് വികാസിന് എതിരാളി. പുരുഷവിഭാഗം മിഡില്‍ വെയ്റ്റ് 75 കിലോയിലാണ് താരം മത്സരിക്കുന്നത്.

2012ലെ ഒളിംപിക്‌സില്‍ വിവാദ തീരുമാനത്തിലൂടെ അമേരിക്കന്‍ താരം എറോള്‍ സ്‌പെന്‍സിനോട് തോറ്റ് പുറത്തായതാണ് വികാസ്. റിയോയില്‍ ഇന്ന് മറ്റൊരു അമേരിക്കന്‍ താരത്തെ നേരിടുമ്പോള്‍ വിജയത്തില്‍ കുറഞ്ഞൊന്നും താരം ചിന്തിക്കുന്നില്ല.

അതേസമയം കോണ്‍വെല്‍ തന്റെ ആദ്യ ഒളിംപിക്‌സിനാണ് റിയോയില്‍ എത്തിയിരിക്കുന്നത്. താരത്തിന്റെയും ആദ്യ മത്സരമാണിത്.
അതേസമയം  വികാസിനെ സംബന്ധിച്ച് കോണ്‍വെല്‍ കടുത്ത എതിരാളിയല്ല. എന്നാല്‍ ഈ രൗണ്ടില്‍ ജയിച്ചാലും വമ്പന്‍ എതിരാളിയാണ് വികാസിനെ കാത്തിരിക്കുന്നത്.  
രണ്ടാം സീഡ് താരം ബെക്തെമിര്‍ മെലികുസേവായിരിക്കും ക്വാര്‍ട്ടറില്‍ വികാസിന് എതിരാളിയായെത്തുക.