കുറ്റിപ്പുറം:ചാവക്കാട് വാഹന പരിശോധനയ്ക്കിടയില്‍ ഓട്ടോറിക്ഷയില്‍ കടത്തുകയായിരുന്ന നാലു കിലോ കഞ്ചാവുമായി രണ്ടുപേര്‍ പിടിയില്‍.തിരൂര്‍ കൈമനശ്ശേരി കരിമാത്തില്‍ രജിത്ത്, പുറത്തൂര്‍ പടിഞ്ഞാറേക്കര കാരാട്ടുപുരയ്ക്കല്‍ സാദിഖ് എന്നിവരാണ് പിടിയിലായത്.
ക്രിസ്തുമസ്, പുതുവത്സര വിപണി ലക്ഷ്യമാക്കിയാണ് സംഘം കഞ്ചാവ് കടത്തിയതെന്നും ഇവര്‍ക്ക് കുറ്റിപ്പുറം തിരൂര്‍ സ്റ്റേഷനുകളിലും എക്‌സൈസ് റെയ്ഞ്ചിലും കഞ്ചാവ് വില്‍പന കേസുകള്‍ നിലവിലുണ്ടെന്നും ഗുരുവായൂര്‍,ചാവക്കാട് പ്രദേശങ്ങളില്‍ ചില്ലറ വില്‍പനക്കായി കഞ്ചാവ് എത്തിച്ചു കൊടുക്കുന്നവരാണെന്നും എക്‌സൈസ് സംഘം അറിയിച്ചു.
ഇവര്‍ സഞ്ചരിച്ചിരുന്ന ഓട്ടോറിക്ഷയും കസ്റ്റഡിയിലെടുത്തു. എക്‌സൈസ് ഇന്‍സ്‌പെക്ടര്‍ എസ്. ഷാജിയുടെ നേതൃത്വത്തിലാണ് സംഘത്തെ അറസ്റ്റുചെയ്തത്.