മനാമ: പ്രവാസി ഇന്ത്യക്കാരനെ ബഹ്റൈനില്‍ നിര്‍ത്തിയിട്ടിരുന്ന ട്രക്കിനുള്ളില്‍ തൂങ്ങി മരിച്ച നിലയില്‍ കണ്ടെത്തി.
47 വയസ്സുള്ള കാർത്തികേയൻ ഭാസ്കരന്‍ എന്നയാളെയാണ് ഇവിടെ ദെമിസ്താന്‍ പ്രവിശ്യയില്‍ നിര്‍ത്തിയിട്ട ഒരു ട്രക്കിനുള്ളില്‍ തൂങ്ങിമരിച്ച നിലയില്‍ കണ്ടെത്തിയതെന്ന് പ്രാദേശിക പത്രം റിപ്പോർട്ട് ചെയ്തു.

ഇദ്ധേഹം ഹമദ് ടൗണിലെ ഒരു ബിൽഡിങ് മെറ്റീരിയൽ കമ്പനിയിലെ ലോറിഡ്രൈവറായിരുന്നു. വഴിയാത്രക്കാർ വിവരമറിയിച്ചതിനെ തുടര്‍ന്ന്  പൊലീസ് സ്ഥലത്തെത്തി. സാമ്പത്തികപ്രശ്നങ്ങളെത്തുടർന്ന് ആത്മഹത്യ ചെയ്തതാകാമെന്നാണ് പ്രാഥമിക നിഗമനം. തമിഴ്നാട് സ്വദേശിയാണെന്ന് കരുതുന്നു. കൂടുതല്‍ വിവരങ്ങള്‍ ലഭ്യമല്ല.