യു.ജി.സി നടത്തുന്ന നെറ്റ്/ജെ.ആര്‍.എഫ് പരീക്ഷകള്‍ക്കു മഹാത്മാ ഗാന്ധി സര്‍വകലാശാല എംപ്ലോയ്‌മെന്റ് ഇന്‍ഫര്‍മേഷന്‍ ആന്‍ഡ് ഗൈഡന്‍സ് ബ്യൂറോയുടെ ആഭിമുഖ്യത്തില്‍ സൗജന്യ പരിശീലനം നല്‍കുന്നു.

യു.ജി.സി ധനസഹായത്തോടെ ശനി, ഞായര്‍, അവധി ദിവസങ്ങളില്‍ നടത്തുന്ന പരിശീലന പരിപാടിയില്‍ പട്ടികജാതിപട്ടികവര്‍ഗമൈനോറിറ്റി (ക്രിസ്ത്യന്‍, മുസ്‌ലിം, സിഖ്, ബുദ്ധ, ജൈന)ഒ.ബി.സി (നോണ്‍ ക്രിമിലെയര്‍)ഓപ്പണ്‍ (ബി.പി.എല്‍) വിഭാഗങ്ങളിലുള്ള വിദ്യാര്‍ഥികള്‍ക്ക് അപേക്ഷിക്കാം. ജനറല്‍ പേപ്പറിന് എല്ലാ ആര്‍ട്‌സ് വിഷയങ്ങളിലുള്ള വിദ്യാര്‍ഥികള്‍ക്കും പങ്കെടുക്കാവുന്നതാണ്.

ഇംഗ്ലീഷ്, കൊമേഴ്‌സ് എന്നീ വിഷയങ്ങള്‍ക്ക് സബ്ജക്റ്റ് പേപ്പറിനും ക്ലാസുകള്‍ നല്‍കുന്നു.

താല്‍പര്യമുള്ള വിദ്യാര്‍ഥികള്‍ യൂനിവേഴ്‌സിറ്റി എംപ്ലോയ്‌മെന്റ് ഇന്‍ഫര്‍മേഷന്‍ ആന്‍ഡ് ഗൈഡന്‍സ് ബ്യൂറോയില്‍ പേര് രജിസ്റ്റര്‍ ചെയ്യണം. ഫോണ്‍ 04812731025.