വാഷിങ്ടണ്‍: 90 മിനുട്ട് കൊണ്ട് ഇലക്ട്രോണിക് വോട്ടിങ് മെഷിന്‍ ഹാക്ക് ചെയ്തു. വോട്ടിങ് മെഷിനുകള്‍ സുരക്ഷിതമല്ലെന്ന് തെളിയിക്കാനാണ് അമേരിക്കയിലെ ലാസ്്‌വേഗാസില്‍ ഹാക്കിങ് പരിപാടി സംഘടിപ്പിക്കപ്പെട്ടത്. ഹാക്കിങ് കോണ്‍ഫറന്‍സില്‍ പങ്കെടുത്തവര്‍ 90 മിനുട്ടേ മെഷിന്‍ ഹാക്ക് ചെയ്യാന്‍ എടുത്തുള്ളൂ.
ഇലക്ട്രോണിക് വോട്ടിങ് സമ്പ്രദായം സുരക്ഷിതല്ലെന്ന് തെളിയിക്കുന്നതാണിതെന്ന് കോണ്‍ഫ്രന്‍സില്‍ പങ്കെടുത്ത ജെയ്ക് ബ്രൗണ്‍ പറഞ്ഞു. ലാസ്‌വേഗാസില്‍ വര്‍ഷംതോറും നടക്കുന്ന ലോകത്തിലെ തന്നെ ഏറ്റവും വലിയ ഹാക്കിങ് കോണ്‍ഫറന്‍സാണ് ഡെഫ്‌കോണ്‍. കോണ്‍ഫ്രന്‍സില്‍ ഹാക്കര്‍മാര്‍ക്കായി 26 ഇ.വി.എമ്മുകളാണ് നല്‍കിയത്. റഷ്യ, ഉത്തര കൊറിയ, ഇറാന്‍ തുടങ്ങിയ വിദേശ രാജ്യങ്ങളിലെ ഹാക്കര്‍മാര്‍ക്ക് ഇ.വി.എം ഹാക്ക് ചെയ്യാനുള്ള കഴിവുണ്ടെന്ന് തെളിയിച്ചു. ദേശീയ സുരക്ഷക്ക് ഭീഷണി ഉയര്‍ത്തുന്ന ഒന്നാണിതെന്നും ബ്രൌണ്‍ പറഞ്ഞു.