എടവണ്ണപ്പാറ : സമസ്ത കേരള ജംഇയ്യത്തുല്‍ ഉലമ പ്രസിഡന്റായിരുന്ന കണ്ണിയത്ത് അഹമ്മദ് മുസ്‌ലിയാരുടെ ഇരുപത്തിയാറാം മഖാം ഉറൂസ് ഏഴ് മുതല്‍ 12 വരെ വാഴക്കാട് നടക്കും. ഏഴിന് ജുമുഅ നിസ്‌കാര ശേഷം മഖാം സിയാറത്തും കൊടി ഉയര്‍ത്തലും നടക്കും. സമസ്ത പ്രസിഡന്റ് സയ്യിദ് മുഹമ്മദ് ജിഫ് രി മുത്തുക്കോയ തങ്ങള്‍ നേതൃത്വം നല്‍കും.
വൈകിട്ട് 6.30ന് നടക്കുന്ന ഉദ്ഘാടന സമ്മേളനം അബ്ദുല്‍ നാസര്‍ ഹയ്യ് ശിഹാബ് തങ്ങള്‍ ഉദ്ഘാടനം ചെയ്യും. മുനീര്‍ ഹുദവി വിളയില്‍ പ്രഭാഷണം നടത്തും. റഷീദ് അലി ശിഹാബ് തങ്ങള്‍ ദാരിമി സമാപന പ്രാര്‍ഥനക്ക് നേതൃത്വം നല്‍കും.
ശനിയാഴ്ച രാവിലെ ഒന്‍പതിന് അല്‍ ഉസ്‌റ സംഗമം ഹാഷിര്‍ അലി ശിഹാബ് തങ്ങള്‍ ഉദ്ഘാടനം ചെയ്യും. മുനീര്‍ ഹുദവി പേങ്ങാട് പ്രഭാഷണം നടത്തും.
വൈകിട്ട് 6.30 ന് നടക്കുന്ന മത പ്രഭാഷണം ഹൈദരലി ശിഹാബ് തങ്ങള്‍ പാണക്കാട് ഉദ്ഘാടനം ചെയ്യും. ഷമീര്‍ ദാരിമി കൊല്ലം പ്രഭാഷണം നടത്തും. ചേലക്കാട് മുഹമ്മദ് മുസ്‌ലിയാര്‍ പ്രാര്‍ഥനയ്ക്ക് നേതൃത്വം നല്‍കും.
ഞായര്‍ വൈകുന്നേരം 6.30 ന് നടക്കുന്ന മത പ്രഭാഷണം അബ്ബാസലി ശിഹാബ് തങ്ങള്‍ ഉദ്ഘാടനം ചെയ്യും.ഖലീല്‍ ഹുദവി കാസര്‍കോട് പ്രഭാഷണം നടത്തും.മൂര്യാട് ഹംസ മുസ്‌ലിയാര്‍ പ്രാര്‍ഥനക്ക് നേതൃത്വം നല്‍കും.10ന് രാവിലെ 9ന് നടക്കുന്ന കുടുംബ സംഗമം മുബഷിര്‍ തങ്ങള്‍ ജമലുല്ലൈലി ഉദ്ഘാടനം ചെയ്യും.ഡോ.സാലിം ഫൈസി കൊളത്തൂര്‍ പ്രഭാഷണം നടത്തും. വൈകുന്നേരം 6.30 ന് നടക്കുന്ന മജ്‌ലിസുന്നൂറിന് മുഹമ്മദ് കോയ തങ്ങള്‍ ജമലുല്ലൈലി നേതൃത്വം നല്‍കും.ഹമീദ് അലി ശിഹാബ് തങ്ങള്‍ ഉദ്ഘാടനം ചെയ്യും. മുസ്തഫ ഹുദവി ആക്കോട് പ്രഭാഷണം നടത്തും.
11 ന് രാവിലെ 9 ന് നടക്കുന്ന മതപ്രഭാഷണം ഫഖ്‌റുദ്ധീന്‍ തങ്ങള്‍ കണ്ണന്തളി ഉദ്ഘാടനം ചെയ്യും. സിറാജുദ്ധീന്‍ ഖാസിമി പ്രഭാഷണം നടത്തും.വൈകുന്നേരം 6.30ന് നടക്കുന്ന ജലാലിയ്യ റാതീബിന് മാനു തങ്ങള്‍ നേതൃത്വം നല്‍കും. ജലീല്‍ റഹ്മാനി വാണിയന്നൂര്‍ പ്രഭാഷണം നടത്തും. ചെറുവാളൂര്‍ ഹൈദ്രോസ് മുസ്‌ലിയാര്‍ സമാപന പ്രാര്‍ഥന നടത്തും.
12 രാവിലെ 9ന് നടക്കുന്ന സമാപന സമ്മേളനം സയ്യിദ് സാദിഖ് അലി ശിഹാബ് തങ്ങളുടെ അധ്യക്ഷതയില്‍ സമസ്ത പ്രസിഡന്റ് സയ്യിദ് മുഹമ്മദ് ജിഫ്‌രി മുത്തുക്കോയ തങ്ങള്‍ ഉദ്ഘാടനം ചെയ്യും.എം.ടി അബ്ദുല്ല മുസ്‌ലിയാര്‍ മഖാം സിയാറത്തിന് നേതൃത്വം നല്‍കും. സമസ്ത ജന. സെക്രട്ടറി കെ. ആലിക്കുട്ടി മുസ്‌ലിയാര്‍ അനുസ്മരണ പ്രഭാഷണം നടത്തും.
അബ്ദുല്‍ നാസര്‍ ഹയ്യ് ശിഹാബ് തങ്ങള്‍,മുഹമ്മദ് കോയ തങ്ങള്‍ ജമലുല്ലൈലി, ഇ.ടി മുഹമ്മദ് ബഷീര്‍ എം.പി തുടങ്ങിയവര്‍ പങ്കെടുക്കും.വാവാട് കുഞ്ഞിക്കോയ മുസ്‌ലിയാര്‍ സമാപന ഖത്തം ദുആക്ക് നേതൃത്വം നല്‍കും. കാല്‍ ലക്ഷം പേര്‍ക്കുള്ള അന്നദാനവും നടക്കും.