പെരുവയല്‍ : തിന്മകളിലേക്ക് മാത്രം വാതിലുകള്‍ തുറക്കപ്പെടുന്ന പുതിയ സാഹചര്യത്തില്‍ ഹജ്ജിന്റെ പവിത്രത സൂക്ഷിക്കാന്‍ ഹാജിമാര്‍ കൂടുതല്‍ കരുത്താര്‍ജ്ജിക്കണമെന്ന് സൂഫി വര്യനും സമസ്ത മുശാവറ അംഗവുമായ വാവാട് കുഞ്ഞിക്കോയ മുസ്‌ലിയാര്‍.
കുന്ദമംഗലം നിയോജക മണ്ഡലം മുസ്‌ലിം ലീഗ് കമ്മിറ്റിയും ഗ്ലോബല്‍ കെ.എം.സി.സിയും സംയുക്തമായി സംഘിപ്പിച്ച ഹജ്ജ് യാത്രയയപ്പ് സമ്മേളനം ഉദ്ഘാടനം ചെയ്യുകയായിരുന്നു അദ്ദേഹം.
നിയോജക മണ്ഡലം മുസ്‌ലിംലീഗ് പ്രസിഡന്റ് കെ.മൂസ്സ മൗലവി അദ്ധ്യക്ഷനായി. അബ്ദുറഹിമാന്‍ ദാരിമി മുഖ്യപ്രഭാഷണം നടത്തി. നിയോജക മണ്ഡലം മുസ്‌ലിം ലീഗ് ജനറല്‍ സെക്രട്ടറി ഖാലിദ് കിളിമുണ്ട, ടി.പി.ചെറൂപ്പ, ഭാരവാഹികളായ എന്‍.പി ഹംസ മാസ്റ്റര്‍, എ.ടി.ബഷീര്‍, കെ.പി.കോയ, വി.പി.മുഹമ്മദ് മാസ്റ്റര്‍, സി.മരക്കാരുട്ടി, എന്‍.പി.അഹമ്മദ്, മങ്ങാട്ട് അബ്ദുറസാഖ്, ഗ്ലോബല്‍ കെ.എം.സി.സി ഭാരവാഹികളായ ശിഹാബ് പാലക്കുറ്റി, ബഷീര്‍ പന്തീരാങ്കാവ്, ഉമ്മര്‍ മീഞ്ചന്ത, സൗഫീദ് കുറ്റിക്കാട്ടൂര്‍,കെ.ജാഫര്‍ സാദിഖ്, എ.പി.സഫിയ സംസാരിച്ചു.