കോഴിക്കോട്: ശ്രീലങ്കയിലും മലേഷ്യയിലും നടന്ന അന്താരാഷ്ട്ര സ്സുഡന്റ് ഒളിംപിക് അത്‌ലറ്റിക്‌സ്, ബാഡ്മിന്റണ്‍, കബഡി, ഫുട്‌ബോള്‍, വോളിബോള്‍ എന്നീ മത്സരങ്ങളില്‍ പങ്കെടുത്ത് മെഡല്‍ നേടിയ കായിക താരങ്ങള്‍ക്ക് സംസ്ഥാനന സ്റ്റുഡന്റ് ഒളിംപിക് അസോസിയേഷന്റെ നേതൃത്വത്തില്‍ കോഴിക്കോട് ഇന്‍ഡോര്‍ സ്റ്റേഡിയത്തില്‍ സ്വീകരണം നല്‍കി.
ചടങ്ങ് പി.ടി.എ റഹീം എം.എല്‍.എ ഉദ്ഘാടനനം ചെയ്തു. പുരുഷന്‍ കടലുണ്ടി എം.എല്‍.എ ഉപഹാരങ്ങള്‍ സമ്മാനിച്ചു.
സ്റ്റുഡന്റ് ഒളിംപിക് അസോസിയേഷന്‍ സംസ്ഥാന വൈസ് പ്രസിഡന്റ് കെ.പി വസന്തരാജന്‍ അധ്യക്ഷനായി. എടയത്ത് ശ്രീധരന്‍, കെ.പി.യു അലി, എ. നാസര്‍, പി. ഷഫീക്, കോച്ച് കെ. വിനു സംസാരിച്ചു.
സ്റ്റുഡന്റ് ഒളിംപിക് അസോസിയേഷന്‍ സംസ്ഥാന ട്രഷറര്‍ വി.കെ തങ്കച്ചന്‍ സ്വാഗതവും സെക്രട്ടറി എ.കെ മുഹമ്മദ് അഷ്‌റഫ് നന്ദിയും പറഞ്ഞു.
വിജയികളായ താരങ്ങള്‍: ബാഡ്മിന്റണ്‍: അനിരുദ്ധ്, ഷാമില്‍ ആലിക്കുട്ടി, ദേവിക രഞ്ജിത്, നിഗ്നാ ടി. നാരായണന്‍, സജ്ഞന സന്തോഷ്, ശ്രീരഞ്ജിനി വിനയകുമാര്‍, അത്‌ലറ്റിക്‌സ്: അഗില്‍ ദാസ്, സൂരജ് ശങ്കര്‍, അശിന്‍ കെ. അനീഷ്, പി.സി വിഷ്ണു, ജിജോയ്, വോളിബോള്‍: അസീം അസീസ്, ഫുട്‌ബോള്‍: മുഹമ്മദ് അനസ്, കബഡി: ചിന്നു ജോളി.