തലശ്ശേരി: കേരളത്തിലെ പ്രാഥമിക വിദ്യാഭ്യാസം എന്തുകൊണ്ടും ലോകത്തിനു തന്നെ മാതൃകയാണെന്നു വിദ്യാഭ്യാസ മന്ത്രി പ്രൊഫ. സി രവീന്ദ്രനാഥ്. ബ്രണ്ണന്‍ കോളജ് ശതോത്തര രജത ജൂബിലിയാഘോഷ സമാപന സമ്മേളനത്തില്‍ അധ്യക്ഷത വഹിക്കുകയായിരുന്നു മന്ത്രി. പൊതുവിദ്യാഭ്യാസം ശക്തിപ്പെടുത്താന്‍ സര്‍ക്കാര്‍ ശ്രമം ആരംഭിച്ചു. ഉന്നതവിദ്യാഭ്യാസ മേഖല പ്രതീക്ഷയ്‌ക്കൊത്ത് വികസിച്ചിട്ടില്ല. ആധുനികവത്കരണം നടപ്പാക്കി ഉന്നത വിദ്യാഭ്യാസ മേഖലയെയും വിശ്വപ്രസിദ്ധമാക്കുകയാണു സര്‍ക്കാരിന്റെ ലക്ഷ്യമെന്നും രവീന്ദ്രനാഥ് വ്യക്തമാക്കി.