വെള്ളാങ്ങല്ലൂര്‍ : മത വിദ്യാഭ്യാസത്തില്‍ പുതുമ പരീക്ഷിക്കുന്നതിനും വിദ്യാര്‍ത്ഥികളില്‍ ജനാധിപത്യ ബോധം വളര്‍ത്തിയെടുക്കുന്നതിന്റേയും ഭാഗമായി കരൂപ്പടന്ന മന്‍സിലുല്‍ ഹുദാമദ്‌റസയില്‍ ബാലറ്റ് അടിസ്ഥാനത്തില്‍ തിരഞ്ഞെടുപ്പ് നടത്തി. മദ്‌റസ ലീഡര്‍, അസിസ്റ്റന്റ് ലീഡര്‍, ചെയര്‍ പേഴ്‌സണ്‍, ലൈബ്‌റേറിയന്‍ എന്നീ സ്ഥാനങ്ങളിലേക്കായി ആകെ ഒമ്പത് സ്ഥാനാര്‍ത്ഥികള്‍ക്ക് വാശിയേറിയ മല്‍സരം നടന്നു. മദ്‌റസ ലീഡര്‍ സ്ഥാനത്ത് മുഹമ്മദ് റഊഫ്, അസിസ്റ്റന്റ് ലീഡര്‍ ആയി മുഹമ്മദ് അസ്ഹര്‍, ചെയര്‍ പേഴ്‌സണ്‍ ആയി ഷഫ്‌നാസ്, ലൈബ്‌റേറിയനായി മുഹ്‌സിന എന്നിവരാണ് വിജയിച്ചത്. പ്രധാനാധ്യാപകന്‍ ടി.മുഹമ്മദ് കുട്ടി മൗലവി, അന്‍സാര്‍, ഉവൈസ്, ബഷീര്‍ നേതൃത്വം നല്‍കി.