എരുമപ്പെട്ടി: എയ്യാലില്‍ മുള്ളന്‍പന്നിയെ വാഹനമിടിച്ച് പരുക്കേറ്റ നിലയില്‍ കണ്ടെത്തി. അക്കിക്കാവ് - കേച്ചേരി ബൈപാസ് റോഡിന് സമീപം ഊക്കാലില്‍ അബ്ദുള്‍ റഹ്മാന്റെ വീട്ട്മുറ്റത്താണ് മുള്ളന്‍ പന്നിയെ കണ്ടത്. വാഹനം തട്ടിയ മുളളന്‍ പന്നി വീട്ടിലേക്ക് ഓടിക്കയറുകയായിരുന്നു. നാട്ടുകാര്‍ വിവരമറിയിച്ചതിനെ തുടര്‍ന്ന് എരുമപ്പെട്ടിയില്‍ നിന്ന് വനപാലകര്‍ എത്തിയെങ്കിലും അടുത്തുള്ള പറമ്പിലേക്ക് ഓടി പോയതിനാല്‍ പിടികൂടാന്‍ കഴിഞ്ഞില്ല.