തിരുവനന്തപുരം: നടിയെ ആക്രമിച്ച കേസിന്റെ അന്വേഷണച്ചുമതലയില്‍ നിന്ന് ഐ.ജി ദിനേന്ദ്ര കശ്യപിനെ മാറ്റിയിട്ടില്ലെന്ന് ഡി.ജി.പി ലോക്‌നാഥ് ബെഹ്‌റ.പ്രത്യേക അന്വേഷണ സംഘത്തിന്റെ തലവനായി ദിനേന്ദ്ര കശ്യപ് തുടരുമെന്നും ബെഹ്‌റ വ്യക്തമാക്കി.

ഐജി ദിനേന്ദ്ര കശ്യപിനെ ക്രൈംബ്രാഞ്ചില്‍നിന്ന് ഹെഡ്ക്വാട്ടേഴ്‌സ് ഐജിയായി മാറ്റിയിരുന്നു.ഇതിനെതിരെ പ്രതിഷേധമുയര്‍ന്ന പശ്ചാത്തലത്തിലാണ് വിശദീകരണവുമായി ഡിജിപി രംഗത്തെത്തിയത്.

നടിയെ ആക്രമിച്ച കേസ് അട്ടിമറിക്കാനാണ് കശ്യപിനെ അന്വേഷണം പുരോഗമിക്കുന്ന വേളയില്‍ മാറ്റിയതെന്നും ആരോപണമുയര്‍ന്നിരുന്നു.