തോട്ടട: എസ്.എന്‍ കോളജില്‍ സ്വീകരണ പരിപാടിക്കിടെ കെ.എസ്.യു പ്രവര്‍ത്തകരെ മര്‍ദിച്ചതായി പരാതി. ജിമ്മി ജോര്‍ജ് പുരസ്‌കാരം കോളജിന് നേടിക്കൊടുത്ത കായിക താരങ്ങളെ കെ.എസ്.യു അനുമോദിക്കുന്ന ചടങ്ങിനിടെയാണ് അക്രമമുണ്ടായത്. കെ.എസ്.യു യൂനിറ്റ് ഭാരവാഹികളായ ഉജ്ജ്വല്‍, മാനസ് എന്നിവരെ എസ്.എഫ്.ഐ പ്രവര്‍ത്തകര്‍ മര്‍ദിക്കുകയായിരുന്നുവെന്ന് കെ.എസ്.യു നേതാക്കള്‍ ആരോപിച്ചു. മര്‍ദനമേറ്റവര്‍ ജില്ലാ ആശുപത്രിയില്‍ ചികിത്സ തേടി. അക്രമത്തില്‍ കെ.എസ്.യു നേതാക്കളായ സുദീപ് ജയിംസ്, അബ്ദുല്‍ റഷീദ്, വി.പി വരുണ്‍, എം.കെ അതുല്‍ പ്രതിഷേധിച്ചു.