ചെറുപുഴ: ലോഡ്ജില്‍ യുവാവിനെ കഴുത്തറുത്തു കൊല്ലാന്‍ ശ്രമിച്ച കേസില്‍ പൊലിസ് അന്വേഷണം ഊര്‍ജ്ജിതമാക്കി. പയ്യന്നൂര്‍ സി.ഐ വി രമേശന്റെ നേതൃത്വത്തിലാണ് അന്വേഷണം.
ഇതിന്റെ ഭാഗമായി വിരലടയാള വിദഗ്ദര്‍ സംഭവം നടന്ന സ്ഥലത്തെത്തി തെളിവ് ശേഖരിച്ചു. ശനിയാഴ്ച അര്‍ധരാത്രിയിലാണ് പെടേന സ്വദേശി കൊമ്മച്ചി നബീലിനെ കൂടെയുണ്ടായിരുന്ന സുഹൃത്ത് രാമന്തളി യി ലെ മുഹമ്മദ് അമീന്‍ കഴുത്തറുത്ത് കൊല്ലാന്‍ ശ്രമിച്ചത്.
പരിയാരം മെഡിക്കല്‍ കോളജില്‍ ചികിത്സയില്‍ കഴിയുന്ന നബീല്‍  പൊലിസിന് കൊടുത്ത മൊഴിയില്‍ തന്നെ വകവരുത്താന്‍ ആരോ ആമീനെ അയച്ചതാണെന്ന് സംശയം പ്രകടിപ്പിച്ചിരുന്നു.  ഇതിന്റെ അടിസ്ഥാനത്തിലാണ് അന്വേഷണം ഊര്‍ജ്ജിതമാക്കിയത്. ഇരുവരും നിരവധി ക്രിമിനല്‍ കേസുകളില്‍ പ്രതികളാണ്.