ജിദ്ദ: ഗള്‍ഫില്‍ വെച്ച്‌ മരിക്കുന്ന പ്രവാസി മലയാളികളുടെ മൃതദേഹം സൗജന്യമായി നാട്ടിലെത്തിക്കുന്ന നോര്‍ക്ക റൂട്ട്സ് പദ്ധതിക്ക് തുടക്കം. തൊഴില്‍ ഉടമയുടെയോ എംബസിയുടെയോ സഹായം ലഭിക്കാതെ വരുന്ന സാഹചര്യത്തിലാണ് നോര്‍ക്ക റൂട്ട്സ് സൗജന്യമായി മൃതദേഹം നാട്ടിലെത്തിക്കുന്നത്. ഈ പദ്ധതിയില്‍ ഉള്‍പ്പെടുത്തിയാണ് ദമ്മാമില്‍ മരിച്ച കണ്ണൂര്‍ പയ്യന്നൂര്‍ സ്വദേശിയുടെ മൃതദേഹം സൗജന്യമായി  വീട്ടില്‍ എത്തിച്ചത്. തിങ്കളാഴ്ച കോഴിക്കോട് വിമാനത്താവളത്തില്‍ നിന്ന് നോര്‍ക്കയുടെ സൗജന്യ ആംബുലന്‍സ് സേവനം  ഉപയോഗിച്ചാണ് മൃതദേഹം വീട്ടിലെത്തിച്ചത്.