ലോക സമാധാനമെന്ന കാലിക പ്രസക്തമായ യുനെസ്കോ പ്രമേയത്തെ അടിസ്ഥാനമാക്കി ഇന്ത്യൻ സ്കൂൾ ബഹ്‌റൈൻ (ഐ‌എസ്‌ബി) വിദ്യാർത്ഥികൾ നവംബർ 28 ന് ഒരു പ്രത്യേക അസംബ്ലി  നടത്തി. മിഡിൽ സെക്ഷൻ വിദ്യാർത്ഥികൾ സംഘടിപ്പിച്ച പരിപാടി സ്കൂൾ പ്രാർത്ഥനയുടെയും  പ്രചോദനാത്മക ചിന്തയുടെയും സമാരംഭിച്ചു. തുടർന്ന് വിദ്യാർത്ഥികളുടെ പ്രസംഗങ്ങളും നടന്നു.  സമാധാനം എന്ന പ്രമേയത്തെ ഉയർത്തിക്കാട്ടുന്നതിനായി അമേരിക്കൻ ആർട്ടിസ്റ്റ് മൈക്കൽ ജാക്സന്റെ ഹീൽ ദ വേൾഡ് എന്ന ഗാനത്തെ അടിസ്ഥാനമാക്കിയുള്ള ഒരു മനോഹരമായ നൃത്ത പ്രകടനവും കുട്ടികൾ അവതരിപ്പിച്ചു. ഇന്ത്യൻ സ്‌കൂൾ  വൈസ് പ്രിൻസിപ്പൽ വിനോദ് എസ്, ഹെഡ് ടീച്ചർ പാർവതി ദേവദാസ് എന്നിവർ വിദ്യാർത്ഥികളെ അഭിസംബോധന ചെയ്തു.