തളിപ്പറമ്പ്: പറശ്ശിനിക്കടവില്‍ പത്താംക്ലാസ് വിദ്യാര്‍ഥിനിയെ പീഡിപ്പിച്ച സംഭവത്തില്‍ അഞ്ചു പേര്‍ പിടിയില്‍. മാട്ടൂല്‍ കെ.വി.സന്ദീപ്, കുറുമാത്തൂര്‍ ചൊറുക്കള സി.പി. ഷംസുദ്ദിന്‍, പരിപ്പായി വി.സി. ഷബീര്‍, നടുവില്‍ കെ.വി.അയൂബ്, അരിമ്പ്ര കെ.പവിത്രന്‍ എന്നിവരാണ് പിടിയിലായത്.

കഴിഞ്ഞ 13,19 തിയ്യതികളിലായാണ് പെണ്‍കുട്ടി പറശ്ശിനിക്കടവിലെ ലോഡ്ജില്‍ വെച്ച് പീഡനത്തിനിരയായത്. 20ല്‍ അധികം പേര്‍ പലപ്പോഴായി പീഡിപ്പിച്ചെന്നാണ് പെണ്‍കുട്ടിയുടെ മൊഴി.

സംഭവത്തില്‍ പെണ്‍കുട്ടിയുമായി ഫെയ്‌സ്ബുക്ക് സൗഹൃദം സ്ഥാപിച്ച സ്ത്രീയെക്കുറിച്ചും പൊലിസ് അന്വേഷിക്കുന്നുണ്ട്.