പള്ളിക്കല്‍: ജില്ലയിലെ വിവിധ പൊലിസ് സ്റ്റേഷന്‍ പരിധിയില്‍ സര്‍വിസ് നടത്തുന്ന ഓട്ടോകളുടെ രേഖകള്‍ പരിശോധിച്ച് ഡ്രൈവര്‍മാരുടെയും വാഹനത്തിന്റെയും വിവരങ്ങള്‍ ശേഖരിച്ച് പൊലിസ് സ്റ്റേഷനില്‍ രജിസ്റ്റര്‍ ചെയ്യിക്കുന്നതിന്റെ ഭാഗമായി തേഞ്ഞിപ്പലം പൊലിസ് സ്റ്റേഷന്‍ പരിധിയിലെ പള്ളിക്കല്‍ ബസാറിലെ ഓട്ടോകളുടെ രേഖകള്‍ പരിശോധിച്ച് പുതുക്കിയ ആള്‍ട്ടിങ് നമ്പര്‍ നല്‍കി.
രേഖകള്‍ ഹാജരാക്കാതെയും പുതുക്കിയ നമ്പര്‍ പതിക്കാതെയും പൊലിസിന്റെ നിര്‍ദേശം ലംഘിച്ച് സര്‍വിസ് നടത്തുന്ന ഓട്ടോകള്‍ക്കെതിരേ നടപടി സ്വീകരിക്കുമെന്ന് പൊലിസ് മുന്നറിയിപ്പ് നല്‍കി.
പുതുക്കിയ ആള്‍ട്ടിങ് നമ്പര്‍ നല്‍കുന്നതിന്റെ ഉദ്ഘാടനം തേഞ്ഞിപ്പലം എ.എസ്.ഐ സുബ്രഹ്മണ്യന്‍ നിര്‍വഹിച്ചു. കെ ചന്ദ്രന്‍ അധ്യക്ഷനായി. എ.എസ്.ഐ ഉദയകുമാര്‍ ക്ലാസെടുത്തു. സി.പി.ഒ വിജേഷ്, കുട്ടന്‍, എന്‍ അഷ്‌റഫ്, കെ പ്രകാശന്‍, കെ യൂസുഫ്, മനോജ് സംസാരിച്ചു.