കാഞ്ഞങ്ങാട്: പങ്കെടുത്ത മുഴുവന്‍ പേര്‍ക്കും ട്രോഫി നല്‍കി കലോത്സവ ചരിത്രത്തില്‍ ഇടംപിടിക്കുകയാണ് 60 ാമത് സംസ്ഥാന സ്‌കൂള്‍ കലോത്സവത്തിലെ ട്രോഫി കമ്മിറ്റി.
കലോത്സവം കഴിഞ്ഞ് എല്ലാവരും വിശ്രമിക്കുമ്പോഴും ട്രോഫി കമ്മിറ്റി വിശ്രമം എന്ന വാക്കിനെക്കുറിച്ച് ചിന്തിച്ചിട്ടുപോലുമില്ല. അതുകൊണ്ടുതന്നെ 10,600 പേര്‍ക്കാണ് ഇതിനോടകം ട്രോഫികള്‍ വിതരണം ചെയ്തത്.

സബ് ജില്ലയില്‍നിന്ന് തുടങ്ങി സംസ്ഥാന തലത്തിലേക്ക് വരെ യോഗ്യത നേടുകയെന്നുള്ളത് വലിയ കാര്യമായതുകൊണ്ടണ്ടാണ് പങ്കെടുത്ത മുഴുവന്‍ പേര്‍ക്കും ട്രോഫി നല്‍കാന്‍ കമ്മിറ്റി തീരുമാനിച്ചത്. പാര്‍സല്‍ വഴി നല്‍കുന്നതുമായി ബന്ധപ്പെട്ട് അവസാനഘട്ട ഒരുക്കത്തിലാണ് കമ്മിറ്റി. ഒരാള്‍ ഒന്നില്‍ കൂടുതല്‍ ഇനങ്ങളില്‍ മത്സരിച്ചിട്ടുണ്ടെങ്കില്‍ പോലും ആ ഇനത്തിനും ട്രോഫി നല്‍കിയിട്ടുണ്ടണ്ട്. 1,200 ട്രോഫികളാണ് പാര്‍സല്‍ സര്‍വിസ് വഴി അയക്കുന്നത്. ട്രോഫിയോടൊപ്പം കാസര്‍കോടിന്റെ സ്‌നേഹവും കൂടിയാണ് പാര്‍സല്‍ ചെയ്യുന്നത്.

60-ാമത് കലോത്സവത്തിന്റെ സര്‍ട്ടിഫിക്കറ്റ് കവറുകളില്‍ പൊതിഞ്ഞാണ് നല്‍കിയെന്നുള്ളതും പ്രത്യേകതയാണ്. ഹൈസ്‌കൂള്‍, ഹയര്‍ സെക്കന്‍ഡണ്ടറി സ്‌കൂള്‍ വിഭാഗങ്ങളില്‍ അറബിക്, സംസ്‌കൃതം എന്നിവയില്‍ മികച്ച സ്‌കൂളുകള്‍ക്ക് റോളിങ് ഷീല്‍ഡിന് പുറമേ സ്ഥിരം ട്രോഫിയും നല്‍കിയെന്നുള്ളത് ഈ കലോത്സവത്തിന്റെ വലിയ നേട്ടമാണ്.
രജിസ്‌ട്രേഷന്‍ സമയത്തുതന്നെ ട്രോഫി നല്‍കിയത് മത്സരാര്‍ഥികളെ ഞെട്ടിച്ചിരുന്നു.
സര്‍ട്ടിഫിക്കറ്റുകളും ട്രോഫിയും ലഭിച്ചില്ലെന്ന പരാതി ഒഴിവാക്കാന്‍ ഹെല്‍പ്പ് ഡെസ്‌കുകളും സ്ഥാപിച്ചിരുന്നു. സംസ്ഥാന സ്‌കൂള്‍ കലോത്സവം അടുത്ത വര്‍ഷം കൊല്ലത്ത് നടക്കുമ്പോള്‍ ഇതേ പദ്ധതി തന്നെ തുടരാന്‍ ഇതിനോടകം തന്നെ ട്രോഫി കമ്മിറ്റിയോട് ബന്ധപ്പെട്ടിട്ടുണ്ടണ്ട്. കാഞ്ഞങ്ങാട് സ്വദേശി ഓസ്‌കാര്‍ രാജനും 35 ജീവനക്കാരും ചേര്‍ന്നാണ് ഇത്രയുമധികം ട്രോഫികള്‍ നിര്‍മിച്ചെടുത്തത്.