പെരിന്തല്‍മണ്ണ: 12കാരിയെ ലൈംഗികമായി പീഡിപ്പിച്ച കേസില്‍ പോളിടെക്‌നിക് ജീവനക്കാരന്‍ അറസ്റ്റില്‍. അങ്ങാടിപ്പുറം ഗവ. പോളിടെക്‌നികിലെ ജീവനക്കാരന്‍ വണ്ടൂര്‍ കാപ്പില്‍ സ്വദേശി പൊറ്റത്തോടന്‍ വീട്ടില്‍ സീതി(43)യെയാണ് പെണ്‍കുട്ടിയുടെ പരാതിപ്രകാരം എസ്.ഐ പി.എസ് ഞ്ജിത്ത്‌ലാലിന്റെ നേതൃത്വത്തില്‍ അറസ്റ്റ് ചെയ്തത്. കുട്ടിയും മാതാവും ചൈല്‍ഡ് ലൈനില്‍ വിവരം നല്‍കിയിരുന്നു. ചൈല്‍ഡ് ലൈന്‍ പ്രവര്‍ത്തകര്‍ പൊലിസില്‍ വിവരം അറിയിച്ച പ്രകാരം വനിതാ എസ്.ഐ രമാദേവി കുട്ടിയെ നേരില്‍ കണ്ട് മൊഴിയെടുത്ത് കേസ് രജിസ്റ്റര്‍ ചെയ്യുകയായിരുന്നു.
പ്രതിയെ ഇന്ന് കോടതിയില്‍ ഹാജരാക്കും.