മലപ്പുറം: ബാബരി മസ്ജിദ് തകര്‍ക്കപ്പെട്ടിട്ട് 26 വര്‍ഷം പൂര്‍ത്തിയാകുന്ന ഇന്ന് എസ്.കെ.എസ്.എസ്.എഫ് മലപ്പുറം ഈസ്റ്റ്, വെസ്റ്റ് ജില്ലാ കമ്മിറ്റികള്‍ പ്രാര്‍ത്ഥനാ സദസും ഭരണഘടനാ സംരക്ഷണ ദിനാചരണവും നടത്തും. താനൂര്‍ കണ്ണന്തളിയില്‍ രാവിെലഎട്ടിന് പ്രാര്‍ഥനാ സദസ് സംഘടിപ്പിക്കും. പാണക്കാട് സയ്യിദ് അബ്ബാസലി ശിഹാബ് തങ്ങള്‍, സയ്യിദ് ഫഖ്‌റുദ്ദീന്‍ ഹസനി തങ്ങള്‍ നേതൃത്വം നല്‍കും.
മലപ്പുറം സുന്നീമഹലില്‍ വൈകീട്ട് നാലിനു പ്രാര്‍ഥനാ സദസിനു സയ്യിദ് ഹാശിറലി ശിഹാബ് തങ്ങള്‍, സയ്യിദ് മുഈനലി ശിഹാബ് തങ്ങള്‍, സയ്യിദ് സാബിഖലി ശിഹാബ് തങ്ങള്‍, സയ്യിദ് നിയാസലി ശിഹാബ് തങ്ങള്‍ നേതൃത്വം നല്‍കും. തിരൂരില്‍ വൈകീട്ട് നാലിനു സായാഹ്ന സദസ് നടക്കും.
മലപ്പുറത്തും തിരൂരിലും രാവിലെ പത്തു മുതല്‍ ഭരണഘടനാ സംരക്ഷണ ക്യാന്‍വാസില്‍ സമൂഹത്തിലെ വിവിധ തുറകളിലെ വ്യക്തിത്വങ്ങള്‍ ഒപ്പുവയ്ക്കും. യൂനിറ്റ് തലത്തില്‍ പ്രാര്‍ഥനാ സദസുകള്‍ സംഘടിപ്പിക്കും.