തളിപ്പറമ്പ് : ഖുവതുല്‍ ഇസ്‌ലാം ദഅ്‌വാ കോളജ് വിദ്യാര്‍ഥി യൂണിയന്‍ അല്‍ ഇര്‍ഷാദ് വിദ്യാര്‍ഥി സമാജത്തിന്റെ കീഴില്‍ വ്യക്തിത്വ വികസന ക്ലാസും ത്വലബാ വിംഗ് രൂപീകരണവും സംഘടിപ്പിച്ചു. അബ്ദുറഹ്മാന്‍ ദാരിമി ബ്ലാത്തൂര്‍ അധ്യക്ഷനായ യോഗം ജാഫര്‍ ഹൈതമി ഉദ്ഘാടനം ചെയ്തു. എസ്.കെ.എസ്.എസ്.എഫ് ജില്ലാ പ്രസിഡണ്ട് ബഷീര്‍ അസ്ഹദി നമ്പ്രം ക്ലാസിന് നേതൃത്വം നല്‍കി. റൗഫ് ദാരിമി കുട്ടോത്ത്, നസീഫ് ഹൈതമി തുടങ്ങിയവര്‍ സംസാരിച്ചു. പുതിയ ഭാരവാഹികളെ ബ്ലാത്തൂര്‍ അബ്ദു റഹ്മാന്‍ ഹൈതമി പ്രഖ്യാപിച്ചു. മുബശ്ശിര്‍ കൂത്താട്ട് സ്വാഗതവും റഈസ് എറന്തല നന്ദിയും പറഞ്ഞു.