കുടുക്കിമൊട്ട: കോണ്‍ഗ്രസ് മുണ്ടേരി മണ്ഡലം നാല്‍പതാംബൂത്ത് കമ്മിറ്റിയുടെ ആഭിമുഖ്യത്തില്‍ ഇന്ദിരാഗാന്ധി ജന്മശതാബ്ദി ആഘോഷവും കുടുംബ സംഗമം നടത്തി. പുറവൂര്‍ ടിപ് ടോപ്പിന് സമീപം നടന്ന പരിപാടി മുന്‍ എം.എല്‍.എ എ.പി അബ്ദുല്ലക്കുട്ടി ഉദ്ഘാടനം ചെയ്തു. എ.അസീസ് അധ്യക്ഷനായി. ഇന്ദിരാജി അനുസ്മരണം റഷീദ് കവ്വായി നടത്തി. എം.പി വേലായുധന്‍ മുതിര്‍ന്ന പ്രവര്‍ത്തകരെ ആദരിച്ചു. സുധീഷ് മുണ്ടേരി, ലക്ഷ്മണന്‍ തുണ്ടിക്കോത്ത്, ടി.ജയപ്രകാശ്, ടി.കെ പവിത്രന്‍, എ.സഹദേവന്‍, വി.കെ സനേഷ്, പ്രസീത, യു.ഉമ്മര്‍, എ.ഹരിദാസന്‍ സംസാരിച്ചു.