കണ്ണൂര്‍: ജില്ലാ പൊലിസ് ഓഫിസേഴ്‌സ് അസോസിയേഷന്റെ സമഗ്ര ദേഹാരോഗ്യ പരിശോധനാ പദ്ധതിയുടെ ഉദ്ഘാടനം എസ്.പി ജി. ശിവവിക്രം നിര്‍വഹിച്ചു.
സര്‍വിസിലിരിക്കെ മരിച്ച തലശ്ശേരി പൊലിസ് സ്റ്റേഷനിലെ എ.എസ്.ഐ സുശീല്‍കുമാര്‍, മയ്യില്‍ പൊലിസ് എ.എസ്.ഐ എം.വി നാരായണന്‍കുട്ടി എന്നിവരുടെ കുടുംബങ്ങള്‍ക്കുള്ള സഹായ നിധിയും വിതരണം ചെയ്തു. രോഗ നിര്‍ണയ രംഗത്തെ സ്ഥാപനമായ ഡി.ഡി.ആര്‍.സിയുമായി കൈകോര്‍ത്താണ് 45 വയസിന് മുകളിലുള്ള പൊലിസ് ഉദ്യോഗസ്ഥര്‍ക്കായി ദേഹാരോഗ്യ പരിശോധന സംഘടിപ്പിക്കുന്നത്.
പരിപാടിയില്‍ ടി.കെ രത്‌നകുമാര്‍ അധ്യക്ഷനായി. പി. രമേശന്‍, പി.പി സദാനന്ദന്‍, സി.കെ വിശ്വനാഥന്‍, കെ.പി ഭാസ്‌കരന്‍, കെ.ജി പ്രകാശ് കുമാര്‍, പി.വി രാജേഷ്, കെ. രാജേഷ്, ടി. പ്രജീഷ്, കെ. മഹേഷ് കുമാര്‍, നെല്‍സന്‍കുട്ടി, സി.വി തമ്പാന്‍ സംസാരിച്ചു.