തളിപ്പറമ്പ്: പത്താംക്ലാസ് വിദ്യാര്‍ഥിനി പീഡനത്തിനിരയാക്കിയ ലോഡ്ജിലേക്ക് ഡി.വൈ.എഫ്.ഐ നടത്തിയ പ്രകടനത്തിന് നേതൃത്വം നല്‍കിയത് കേസിലെ പ്രതിയായ പ്രാദേശിക നേതാവ്. കേസില്‍ തളിപ്പറമ്പ് പൊലിസ് കസ്റ്റഡിയിലെടുത്ത ഡി.വൈ.എഫ്.ഐ ആന്തൂര്‍ വില്ലേജ് സെക്രട്ടറി നിഖില്‍ തളിയിലിന്റെ നേതൃത്വത്തിലാണ് പീഡനം നടന്ന ലോഡ്ജായ പറശ്ശിനി പാര്‍ക്കിലേക്കു ചൊവ്വാഴ്ച പ്രതിഷേധ പ്രകടനം നടന്നത്. തുടര്‍ന്നു സുഹൃത്തിന്റെ വിവാഹ ചടങ്ങില്‍ പങ്കെടുക്കാന്‍ പോയ നിഖിലിനെ അവിടെ വച്ചാണു പൊലിസ് കസ്റ്റഡിയിലെടുത്തത്.