വേങ്ങര: സംസ്ഥാന ഔഷധസസ്യ ബോര്‍ഡ്, കോട്ടക്കല്‍ ആര്യ വൈദ്യശാല എന്നിവയുടെ സഹകരണത്തോടെ ചേറൂര്‍ യതീംഖാന ഹയര്‍ സെക്കന്‍ഡറി സ്‌കൂളില്‍ ഔഷധഉദ്യാനം പദ്ധതി തുടങ്ങി. ഗ്രാമീണ മേഖലയില്‍ വ്യാപകമായിരുന്നതും അടുത്തിടെ വംശനാശം നേരിടുന്നതുമായ ഔഷധച്ചെടികള്‍ വച്ചു പിടിപ്പിക്കുന്നതാണ് രീതി. ബ്ലോക്ക് പഞ്ചായത്ത് പ്രസിഡന്റ് പി.കെ അസ്‌ലു ഉദ്ഘാടനം ചെയ്തു. കണ്ണമംഗലം പഞ്ചായത്ത് പ്രസിഡന്റ് കെ.പി സരോജിനി, കെ നഈം, എം.കെ.സി മുഹമ്മദ് കുട്ടി, കെ.ടി അബൂബക്കര്‍, കെ.ജി അനില്‍കുമാര്‍, പ്രിന്‍സിപ്പല്‍ കെ അബ്ദുല്‍ ഗഫൂര്‍, പ്രോഗ്രാം ഓഫിസര്‍ കെ.ടി അബ്ദുല്‍ ഹമീദ് സംസാരിച്ചു.