തിരുവനന്തപുരം: മാധ്യമപ്രവര്‍ത്തകയ്‌ക്കെതിരെ സദാചാര ആക്രമണം നടത്തിയെന്ന പരാതിയില്‍ തിരുവനന്തപുരം പ്രസ് ക്ലബ്ബ് സെക്രട്ടറി രാധാകൃഷ്ണന്‍ അറസ്റ്റില്‍. രാധാകൃഷ്ണന്‍ ജോലി ചെയ്യുന്ന സ്ഥാപനത്തിലെ പ്രൂഫ് റീഡറായ യുവതിയുടെ വീട്ടിലെത്തി സദാചാര ആക്രമണം നടത്തിയെന്നാണ് പരാതി.

മാധ്യമപ്രവര്‍ത്തകയുടെയും ഭര്‍ത്താവിന്റെയും പരാതിയിലാണ് നടപടി.

നവംബര്‍ 30ന് രാത്രിയാണ് കേസിനാസ്പദമായ സംഭവം നടന്നത്. ഭര്‍ത്താവ് വീട്ടിലില്ലാത്ത സമയത്ത് ആണ്‍സുഹൃത്തുമായി യുവതി വീട്ടിലെത്തിയെന്ന് പറഞ്ഞ് രാധാകൃഷ്ണനും കുറച്ചാളുകളും വീട്ടില്‍ അതിക്രമിച്ചു കയറുകയും ആക്രമിക്കുകയും ചെയ്‌തെന്നാണ് പരാതി. എന്തിനാണ് ആണ്‍സുഹൃത്ത് വന്നതെന്നു ചോദിച്ചായിരുന്നു ഇത്. ഇവരുടെ വീടുള്ള റെസിഡന്‍സ് അസോസിയേഷന്‍ ഭാരവാഹി കൂടിയാണ് രാധാകൃഷ്ണന്‍.