തേഞ്ഞിപ്പലം: പുതിയ കാലഘട്ടത്തില്‍ മദ്‌റസകളുടെ നിലനില്‍പിന് മാനേജ്‌മെന്റ് കമ്മിറ്റികളുടെ പ്രവര്‍ത്തനം മികവുറ്റതാകണമെന്ന് മദ്‌റസ മാനേജ്‌മെന്റ് അസോസിയേഷന്‍ ജില്ലാ സെക്രട്ടറി എം.എ ഖാദര്‍ പറഞ്ഞു. ഒന്നാം തരത്തില്‍ ചേരുന്ന കുട്ടികളുടെ പത്ത് ശതമാനം പോലും പത്തിലെത്തുമ്പേഴേക്കും മദ്‌റസകളില്‍ ഇല്ലാതാകുന്ന അവസ്ഥയാണ് നിലനില്‍ക്കുന്നത്. ഇത് അപകടകരമാണ്. പള്ളിക്കല്‍ റെയ്ഞ്ച് മദ്‌റസ മാനേജ്‌മെന്റ അസോസിയേഷന്‍ വാര്‍ഷിക ജനറല്‍ ബോഡി യോഗം ഉദ്ഘാടനം ചെയ്തു സംസാരിക്കുകയായിരുന്നു അദ്ദേഹം. യോഗത്തില്‍ ആലുങ്ങല്‍ അബ്ദുറഹിമാന്‍ മുസ്‌ലിയാര്‍ അധ്യക്ഷനായി.
എം.കെ അബൂബക്കര്‍ സിദ്ദീഖ് അസ്ഹരി, ടി അഹമ്മദ് ഹാജി, കെ സൈനുദ്ധീന്‍, കെ കുട്ട്യാലി മുസ്‌ലിയാര്‍ സംസാരിച്ചു. ഭാരവാഹികള്‍: ആലുങ്ങല്‍ അബ്ദുറഹിമാന്‍ മുസ്‌ലിയാര്‍ (പ്രസിഡന്റ്), പി അഷ്‌റഫ്, സി.പി അബ്ദുല്‍ഗഫൂര്‍ (വൈസ് പ്രസിഡന്റ്), കെ കുട്ട്യാലി മുസ്‌ലിയാര്‍ (ജന. സെക്രട്ടറി), എം കോയ, സി അബ്ദുല്‍കരീം (സെക്രട്ടറി), കെ അബ്ദുറഹ്മാന്‍ (ട്രഷറര്‍).